Z pokazku na po jeho měnjenju grawěrowacy wobsahowy njedostatk w Serbskim muzeju je so Günter Sodan na Serbske Nowiny wobroćił. Wón rozprawja wo slědowacym dožiwjenju.

Dobrošecy (SN/MWj). Před něšto časom bě Günter Sodan hromadźe z dalšimi bywšimi wjesnjanostami na wopyće w Budyskim Serbskim muzeju. Dokelž so w Dobrošecach pola Malešec bydlacy jara dokładnje ze załožerjom moderneho pčołarstwa Hadamom Bohuchwałom Šěrachom zaběra, bě wón optimistiski, zo wo tymle zasłužbnym prócowarju tež něšto w Serbskim muzeju zhoni.