Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow ­prócuja. K tomu ­přinošować chce naša serija z pokiwami z weterinarneje ­mediciny. (70)

Mjez plahowarjemi a wobsedźerjemi konjow je „equines asthma“ znate zapřijeće. Daloko rozšěrjene ćerpjenje konjow ma wjele mjenow (COPD – chronic obstructive pulmonary disease, IAD – ­inflammatory airway disease, atd.). ­Zasadnje pak wopřijima chorosć najwšelakoriše formy zwuženja dychanskich pućow (Verengung der Atemwege).

Najsylniša forma astmy konjow pokazuje so jako chroniska chorosć delnich dychanskich pućow, potajkim na př. bronchijow. Kóń nazhonja spad swójskich wukonow přez prawidłowne pomjeńšenje dychanskich pućow. Tute nastawaja přez powabki z wobswěta.

Jedna so tu zwjetša wo konje, kotrež su starše hač sydom lět. Hižo hdyž jenož ­woměrje steja, je dychanje napina. Časćiše kašlowanje je tohorunja trapi.

Astma njeje hojomna, ale přez prawe regulowanje wobswětowych faktorow hodźi so sylnosć symptomow pomjeńšeć.