Serbska Murja lětsa zaso „Kwisk a trysk“ zarjadowała

Chrósćicy (SN/MG). Hdyž towarstwo Serbska Murja na swoje zarjadowanje „Kwisk a trysk“ přeprošuje, so ludźom hłowy kurja. Tak bě tež zašłu sobotu, jako so dohromady 170 ludźi na zhromadnym kwisowanju wobdźěli. „Najlěpši serbski kwismaster“ Pětr Dźisławk přitomnych nawječor w Chróšćanskej Jednoće witaše. Na mustwa z maksimalnje štyrjomi wosobami čakaše kopica nadawkow we wšelkich kategorijach.