Gmejna podlěši wotnajenske zrěčenje z wobsedźerjom ležownosćow

Łaz (AK/SN). Łazowska gmejna prócuje so dale wo wožiwjenje turizma při Hórnikečanskim jězoru. Tole je wjesnjanosta Thomas Leberecht (CDU) na zašłym wurjadnym posedźenju gmejnskeje rady wuzběhnył. Radźićeljo jednohłósnje wobzamknychu, zo wotnajenske zrěčenje z wobsedźerjom ležownosćow za turistiske wobhospodarjenje připrawow při Hórnikečanskim jězoru dale powjedu. Za to hižo wobstejace zrěčenje dočasnje podlěša. „To je jedne z najwažnišich wobzamknjenjow cyłeje našeje legislaturneje doby a zdobom wažne wobzamknjenje za cyły region“, Łazowski wjesnjanosta podšmórny a zdobom připowědźi: „Chcemy infrastrukturu při Hórnikečanskim jězoru dale wožiwić.“