Wokrjes Sprjewja-Nysa: Strategija za wjac serbowacych w zjawnym žiwjenju

Baršć (SN/mb). Najbóle serbski wokrjes Delnjeje Łužicy, Sprjewja-Nysa so w rankingu „atlas přichoda“ renoměrowaneje Prognos AG na poslednim městnje w Braniborskej jewi. Ze swojej nowej strategiju wudźeržliwosće, kotruž su wčera we wokrjesnym měsće Baršću předstajili, pak kroča na doprědkarskim puću. Porno strategiji US-prezidenta Trumpa, kotryž swój kraj tuchwilu z wažnych mjezynarodnych organizacijow katapultěruje, ma so wokrjes Sprjewja-Nysa po agendźe 2030 Zjednoćenych narodow (UN). Na wčerawšej prezentaciji je so jako zastupjerka Domowiny tež regionalna rěčnica Heike Apeltowa wobdźěliła. Wšako njejsu Serbja w 84 stronow wopřijacym dokumenće pisany připlack, ale wažny stołp za dołhodobne přežiwjenje towaršnosće.