Rowno (AK/SN). Na Rownjanskim Njepilic statoku chcedźa lětsa staru bursku bróžnju postajić, zdźěli předsyda spěchowanskeho towarstwa Njepilic dwór Manfred Nikel pjatk na hłownej zhromadźiznje towarstwa. Pod pomnikoškitom stejace twarjenje steji tuchwilu hišće w nowym Miłorazu. Předewzaće so hižo chwilu dliji, lětsa pak ma so to poradźić, Pjenježnu podpěru dóstanu wot załožby „Doma w Slepom, Rownom, Mułkecach“. „Trjebamy bróžnju, zo móhli swoje nałožki hajić, wobjim wustajeńcy rozšěrić a Njepilic statok z tym wobohaćić“, praji Nikel.