Budyšin. Lětsa swjeći Serbska wyša šula w Budyšinje swoje 80lětne wobstaće. W nazymje chcedźa jubilej hódnje woswjećić. Pod hesłom „Naša šula wčera, dźensa a jutře“ budu so šulerki a šulerjo na wšelakich stacijach ze stawiznami kubłanišća zaběrać, ale tež sportować, rejować a swoje wizije do přichoda předstajić. Za to trjebaja podpěru bywšich šulerkow a šulerjow kaž tež bywšich kolegowkow a kolegow.