Choćebuz (SN/MiP). „Dohromady 1 000 Choćebužanam chce měšćanske zarjadnistwo kónc měsaca zličbowanku za chorobny transport w lěće 2025 wupósłać, zo bychu kóšty za to sami njesli“, bě powěsćowy online-portal „RBB24“ minjeny štwórtk wozjewił. Dźeń po tym, pjatk, dyrbješe redakcija funkciju za komentary na stronje hasnyć, dokelž njebě kmana, „wulku ličbu komentarow moderěrować“, wona zdźěli.