Wuježk (ES/SN). Zašo hač druhe lěta wotmě so minjenu sobotu 29. dźeń Budyskeho měšćanskeho lěsa na Čornoboze. Lětušu ekskursiju nawjedowaše Fabian Stubenrauch. Po studiju lěsnistwa je wón 15 lět w zarjadnistwje sakskeho lěsnistwa dźěłał a je wot apryla nowy rewěrowy hajnik Budyskeho měšćanskeho lěsa. We wobłuku ekskursije wón mjez druhim předstaji, kak bě hora Čornobóh k swojemu mjenu přišła.
Z łužiskej horu bě tež zažny zastupjer naslědneho wobhospodarjenja lěsow, Ernst Robert Walde (1826–1907), zwjazany. Walde bě so swój čas za lěs z mnohimi rozdźělnymi družinami štomow zasadźował. Z tym spytaše nowy doprědkarski wobraz lěsa sposrědkować.
