Wjesna rada w Zabrodźe přeje sej wjace informacijow wo planowanym składźe

Hory (AK/SN). Wuchodnje zwjazkoweje dróhi B 97 pola Zabroda w gmejnje Halštrowska Hola chce firma Saferay holding tzwr swoju wobstejacu fotowoltaikowu připrawu z baterijemi rozšěrić. Gmejnscy radźićeljo su na swojim wčerawšim posedźenju wobzamknyli, tole zmóžnić. Za to ma so tuchwilny twarski plan změnić. Wotpowědnu próstwu je předewzaće hižo zapodało.