Kotre swjedźenje serbsku młodźinu a ludźi na wsach lětsa wočakuja?
Budyšin (SN/VaŽ). Krótko do noweje sezony partyjow zwěsćamy změny: Mjeztym zo so někotre znate wulkozarjadowanja kaž „WiesenBeats“ w Sulšecach abo „Summer Ending“ we Wotrowje w swojej prjedawšej formje hižo njewotměja, nastawaja nowe abo přiměrjene formaty. Młodostni a organizatorojo wo tym diskutuja, hač so jeničce struktury swjedźenjowanja měnjeja abo hač so partyjowa scena woprawdźe pomjeńša. Wažny zazběh sezony swjedźenjow su tradicionalne mejemjetanja, kotrež kónc tydźenja w Radworju zahaja. Mejemjetanje drje njeje wšudźe wjesny swjedźeń, na mnohich wsach pak je wone zazběh zhromadnych zarjadowanjow w běhu lěta.
