Njeswačanski domizniski muzej přihotuje dalšu zajimawu wustajeńcu
Njeswačidło (JK/SN). Njeswačanske towarstwo přećelow domizny a kultury je jedyn z jara aktiwnych cyłkow w tamnišej gmejnje. Z wjele zahoritosću a zajimom njewěnuja so jenož hrodej a parkej, ale přeprošuja často tež na wustajeńcy w domizniskim muzeju wosrjedź wsy. Minjene dny su druhi dźěl wustajeńcy wo stawiznach šulstwa w gmejnje přihotowali.
