Kulow (AK/SN). Gastronomiske zastaranje Kulowskeje sportownje dožiwja nětko personalnu a generacisku změnu. Tole zdźěli měšćanske zarjadnistwo na swojej internetnej stronje. Po nimale 30 lětach so Petra Schulze a Peter Papke z hosćencom „SportCorner“ rozžohnujetaj. Jeju naslědujetaj Jürgen Bartsch a Kay Zeithamel. Wonaj přihotujetaj wot noweho šulskeho lěta šulski wobjed w Kulowskej zakładnej a srjedźnej šuli.