Do zahajenja semestra prócuja so tež serbscy studowacy wo bydło

Halle/Drježdźany (SN/hn/CeK). „Studentski čas je najrjeńši čas“ – tutomu wuprajenju drje nichtó njeznapřećiwi. Tola puć do najrjeńšeho žiwjenskeho wotrězka wobsteji hustohdy z mnohich kwaklow. Z tym njeje jenož spočatk studijneho časa měnjeny. Hustohdy je prěnje wužadanje hižo pytanje za nowym bydlenjom.