Marian Žur z Lejna bě při 38. triatlonowym wubědźowanju KnappenMan najlěpši serbski wobdźělnik na olympiskej distancy. Po 1,5 kilometrach we wodźe Třižonjanskeho jězora, 40 kilometrach na kolesu a 10 kilometrach běhanja docpě Lejnjan jako dwajadwacety w času 2:27:53 wot 160 muži cil. W starobnej klasy wudoby sej Marian Žur druhe městno. Na olympiskej distancy startowałoj běštaj tež rodźena Horjanka Tadeja Šeferec a rodźeny Radworčan Daniel Nuk. Worklečanka Tereza Wjencyna wubědźowaše so na sprintowej distancy.

Wolejbulowy cyłk starobneje klasy U22 Viktorije Worklecy je sej sobotu w Praze při mjezynarodnym turněrje štwórte městno wudobył. Małe finale přěhrachu Worklečenjo 0:2 (19:25, 22:25) přećiwo šěstce z Londona.