Nimale wšitke wsy Hornjeje Łužicy haja po mejestajenju nałožk chodojtypalenja. Wšudźe nawožeja sej wulke hro­mady hałzow a nadźijeja so rjaneho swjedźenja, z kotrymž móža zymu doskónčn­je wuhnać a nalěćo witać.

Dobrošicy/Worklecy (aha/SN). Zo spytaja někotři wjeselo z dočasnym zapalenjom hromady skazyć, je móhłrjec tra­dicija, byrnjež žana rjana. Lětsa pak je po wšěm zdaću wosebje zlě. W nocy wot minjeneho pjatka na sobotu, kaž nawoda delanskich gmejnskich wohnjowych woborow Achim Měrćink zdźěli, palachu so při­hotowane hromady na 15 městnach. Tež w nocy na njedźelu sireny wujachu a wobornicy dyrbjachu so znowa k ha­šenju podać.