Traktor Malešecy –

Sokoł Ralbicy/Hórki 0:2 (0:1)

zestawa hosći: Schöne – L. Heidorn, Wałda, N. Šewc, B. Heidorn, R. Šnajder (60. Rachela), P. Šołta, Hicka (75. Mjechela), Frencl, Schmidt (65. Woko), N. Šnajder

Štwórty hrajny dźeń wokrjesneje wyšeje ligi nastupichu Sokoljo přećiwo postupnikej w Malešecach. Mustwo trenarja Krystofa Gloxyna cyłk z Malešec scyła njeznaješe, chcyše pak sej najebać to tři dypki sobu domoj wzać, zo by so start do sezony poradźił.

Strašni běchu Sokoljo prěni raz po wólnym kopje, jako Niklas Šewc bul z hłowu prěki połoži. Tola njenamaka so žadyn sobuhrajer. Po štwórć hodźinje bu spěšny Livius Frencl w šěsnatce njefairnje zadźeržany. Sudnik rozsudźi na wólny kop, při kotrymž pak Aleksander Wałda na wrotarju zwrěšći, dokelž bě jeho třělwa přecentralna. Do połčasa pak so Sokołej nawjedowanje poradźi. Richard Šnajder startowaše sylne solo a nisko do róžka přetwori. Ze snadnym předskokom dźěše tuž do kabiny.