Njeswačidło (SN/StŠ). „Z wulkim wob­žarowanjom sym powěsć wo zawrjenju našeho tradicionalneho hosćenca w Njeswačidle přijimała. Wjele lět njebě wón jenož městno dobreho słoda, ale tež centralne zetkanišćo za naše gmejnske žiwjenje, za swjedźenje a towarstwowe žiwjenje­ a towaršliwe hodźiny. Dźakuju so z wutroby cyłemu teamej za hospo­dliwosć a wulki angažement, z kotrymž je zawod minjene lěta wjedł“. Z tutymi słowami wjesnjanostka Njeswačanskeje gmejny Juliana Macalina kónc tamnišeho hosćenca komentuje.