Serbskopazličan přesadźi so w druhim wólbnym kole
Njebjelčicy (SN/StŠ). Nowy wjesnjanosta gmejny Njebjelčicy rěka Měrko Domaška. Serbskopazličan přesadźi so wčera w druhim wólbnym kole. Z tym nawjeduje 48lětny w přichodnych sydom lětach serbsku gmejnu. „Sym přewšo wjesoły a dźakowny, zo je mi telko ludźi swój hłós dało. To njeje ničo samozrozumliweho! Kaž sym hižo po prěnim wólbnym kole před třomi tydźenjemi prajił, přiwzam wolu wjetšiny wobydlerstwa a přewzam zastojnstwo wjesnjanosty. Chcu so na tutym městnje woprawdźe hišće raz wšitkim, kotřiž su wčera moje mjeno na wólbny lisćik napisali, z wutroby podźakować!“
