W Pěskecach swjeća sobotu winowy a spěwny swjedźeń

Pěskecy (SN/StŠ). Na dwaceći muži a žonow je so wutoru popołdnju wosrjedź Pěskec zetkało, zo bychu tamniše hrajkanišćo wurjedźili a wulki swjedźenski stan stajili. „Pola nas – a to je woprawdźe to rjane – wšitcy hromadźe dźeržimy. To rěka, zo zhromadnje swjećimy, ale tež zhromadnje wšitko přihotujemy a zaso zrumujemy“, Fabian Korjeńk ze žerdźu w ruce zahoriće powěda.