Pančicy-Kukow (SN). Po wuspěšnej lońšej premjerje su swójby z dźěćimi a wšitcy dalši młódši a starši zajimcy srjedu, 14. oktobra, wot 13 do 17 hodź. na nazymski dožiwjenski dźeń do klóštra Marijina hwězda w Pančicach-Kukowje přeprošeni. Tam změje Křesćansko-socialny kubłanski skutk wjele poskitkow za sobučinjenje a wuspytanje spřihotowane. Tak móža wopytowarjo nazymsku dekoraciju a kołki z běrnow paslić abo z drjewom kreatiwne ideje zwoprawdźeć. Fachowc za hriby sposrědkuje tójšto zajimaweho wo tychle lěsnych płodach. Přehladka wšelakich družin běrnow zbliži wopytowarjam mjez druhim wšelake słody, kajkosće při warjenju a móžnosće wužiwanja. Dźěći móža so same gratu přimać, z čerstwych bioběrnow pomfritki zhotowić a wězo tež woptać.