Serbja přadu – pytaja kreatiwne ideje ze šulow

Montag, 16. November 2026
Artikel bewerten
(0 Stimmen)
Z dźěćimi wjesela so tež Sabrina Kuschy, Sarah Gwiczsz, Susanne Pommer a Anna Bollmann (horjeka wotlěwa). Foto: Peter Becker Z dźěćimi wjesela so tež Sabrina Kuschy, Sarah Gwiczsz, Susanne Pommer a Anna Bollmann (horjeka wotlěwa). Foto: Peter Becker

Tšupc. Braniborski krajny zamołwity za naležnosće Serbow, kaž tež wědomostny a statny kulturny sekretar Tobias Dünow wopyta před lětom Tšupčansku zakładnu šulu w Błótach a naposka sej starosće a nuzu wučerkow za serbšćinu. Woni chcychu mjez druhim atraktiwitu wučby powyšić a su wo dźěćace narodne drasty prosyli. Tak dósta šula spočatk noweho šulskeho lěta připrajenje za spěchowanske srědki we wobjimje 8 000 eurow – konkretnje za wobsta­ranje 20 holčich a 14 hólčich serbskich narodnych drastow. Lubnjowska designerka Sarah Gwiszcz přewza nadawk za zhotowjenje tutych. Wona je za to znata, zo tradicionalne drasty modernje přeměnja.

Šulska nawodnica Tšupčanskeje zakładneje šule Susanne Pommer bě po předstajenju drasty tele dny přewšo zbožowna: „Telko šulerkow a šulerjow w narodnej drasće widźeć, je chětro jimace a motiwuje snano druhich za wučbu serbšćiny. Z wučerku serbšćiny Annu Bollmann mamy angažowanu fachowču a dwě studentce, kotrejž projekt z tutoho lěta podpěratej.“

Veröffentlicht in Łužica
Bitte anmelden, um einen Kommentar zu posten
Nowe poskitki LND namakaće w lětušim wudaću Nowinkarja!

Nowinkar 2026-27

Chróšćan Šulerjo

Midas Logo