Slědy w kóždej serbskej wsy

Donnerstag, 19. November 2026
Artikel bewerten
(0 Stimmen)
W Korzymje wotewru jutře wustajeńcu wo Jürgenje Spottki (nalěwo). Zdobom pokazuja film Reinera J. Nagela (naprawo) wo nim.  Foto: SN/Bojan Benić W Korzymje wotewru jutře wustajeńcu wo Jürgenje Spottki (nalěwo). Zdobom pokazuja film Reinera J. Nagela (naprawo) wo nim. Foto: SN/Bojan Benić

Wustajeńca a film składnostnje 85. narodninow Jürgena Spottki

Kumwałd (SN/MiR). We wustajenišću Korzymskeje wuměłskeje iniciatiwy Im Friese zahaja jutře, pjatk, we 18 hodź. wustajeńcu z twórbami Jürgena Spottki. Mjeztym 85lětny Wjelećan je galeriji swoje jemu najbóle wažne twórby za přehladku, kotraž ma być retrospektiwa jeho skutkowanja, přewostajił. Mnohe dźěła z priwatneho wobsydstwa buchu galeriji wupožčene.

Na zahajenju ekspozicije wotměje so hornjołužiska premjera dokumentarneho filma Reinera Nagela „Štom stejo mrěje – Am Ende des Brotbaumes“, kotryž spožča wustajeńcy zdobom titul. Nagel je Spottkeho dlěšodobnje z kameru přewodźał. Wustajeńca a film pokazujetej na drje poslednju wulku twórbu něhdyšeho lěsneho dźěłaćerja, drjeworězbarja a wuměłca Jürgena Spottki, na „Koło časa“, kotrež steji na naměsće w Chróstawje. Spottke chce sam w Korzymju być, hdyž wustajerjo – mjez nimi w prěnim rjedźe Sandro Porcu, kiž je Spottkeho wo to prosył, swoje twórby we galeriji prezentować – přehladku wotewru.

Veröffentlicht in Łužica
Mehr in dieser Kategorie: « Łamaki su před wjedrom škitane
Bitte anmelden, um einen Kommentar zu posten
Nowe poskitki LND namakaće w lětušim wudaću Nowinkarja!

Nowinkar 2026-27

Chróšćan Šulerjo

Midas Logo