Zazběh Łužiskeho festiwala

Zhorjelc/Choćebuz/Běła Woda. Zhromadnje wot wjacorych łužiskich chórow a Noweje łužiskeje filharmonije w Zhorjelcu zanjesena „Oda na wjeselo“ Ludwiga van Beethovena tworješe předwčerawšim „poradźeny zazběh“ 5. Łužiskeho festiwala. Wčera slědowaštej wotewrjenje wustajeńcy „Njewěste dotyknjenje“ z twórbami Helly Stoletzki w Choćebuzu a premjera inscenacije „Othello – Die Fremden“ w Běłej Wodźe.

Woswjeći swój 30lětny jubilej

Miłoćicy. Miłočanski Křesćansko-socialny kubłanski skutk (CSB) woswjeći dźensa w Pančicach-Kukowje swój 30. jubilej nošerstwa kubłanišćow. CSB słuša z jědnaće dnjowymi přebywanišćemi, mjez kotrymiž su štyri serbske, k najwjetšim nošerjam pěstowarnjow regiona. Něhdźe 170 přistajenych kubłarjow stara so w nich wo dohromady 1 470 dźěći.

Serbscy społnomócnjeni so zešli