Farar wotwołany

Wulke Rědorjecy. Wjelelětny farar we Wulkich Rědorjecach Stefan Schwarzenberg wot 1. meje za ewangelsku wosadu hižo zamołwity njeje. Krótkodobnje je krajny cyrkwinski zarjad 60lětneho wotwołał. Pozadk toho je, zo nima wosadne předstejićerstwo dowěru. Schwarzenberg wostanje farar krajneje cyrkwje. Nadawki we Wulkich Rědorjecach maja druzy duchowni přewzać.

Serbska rada zjawnje w sejmje

Drježdźany. Na prěnje zjawne posedźenje w aktualnej wólbnej periodźe přeprosy Rada za serbske naležnosće Sakskeje, kaž čłon gremija Dawid Statnik informuje. Wuradźowanje so wutoru, 13. róžownika, w 16 hodź. w Sakskim krajnym sejmje (rum A 088 w twarje při Łobju) wotměje. Tema je mjez druhim serbska rjadownja na Radworskej zakładnej šuli a zwoprawdźenje koncepta 2plus.

Pokazka wo wuspěšnych Romach