NSLDź: Městno znowa wakantne
Budyšin. Němsko-Serbske ludowe dźiwadło pyta dramaturga za serbske dźiwadło. Wosrjedź tydźenja bě dźiwadło na swojej Facebook-stronje wozjewiło, zo je městno wot spočatka noweje hrajneje doby wakantne. Zajimcy měli so hač do kónca meje požadać. Dotal Hanka Jenčec nadawk jako dramaturgowka jednu hrajnu dobu wukonja.
Pěstowarnja smě wuzamknyć
Drježdźany. Za pěstowarnje w swobodnym nošerstwje statny zakaz diskriminacije njepłaći – tohodla smě alternatiwna pěstowarnja „Kinderladen Conni“ w Drježdźanach dźěći policistow wotpokazać resp. policistej-nanej přistup na ležownosć zakazać. Wukaz Krajneho młodźinskeho zarjada, tohodla dowolnosć za pěstowarnju cofnyć, bě njezakonski, rozsudźi zarjadniske sudnistwo.
UNESCO 5 zaso wuznamjenjeny
