Zwěrjenc přewšo woblubowany
Zhorjelc. Přirodoškitny zwěrjenc w Zhorjelcu-Zgorzelecu je po zjawnym naprašowanju druhi najwoblubowaniši zwěrjenc po cyłej Němskej. Na prěnim městnje steji po woli ludźi park ptačkow w Marlowje w Mecklenburgsko-Předpomorskej. Zakład naprašowanja a analyzy su zjawnje přistupne hódnoćenja wopytowarjow na stronje google.
60 lět rěčna zawěra w Grodku
Grodk. 60lětne wobstaće Grodkowskeje rěčneje zawěry tele dny ze swjatočnosću a z wodźenjemi woswjeća. Najwjetša připrawa za wodowe hospodarstwo w Braniborskej bu w lěće 1965 wotewrjena. Po słowach braniborskeho wobswětoweho ministerstwa přewza rěčna zawěra centralny nadawk hladajo na hospodarjenje z wodu we Łužicy a w Sprjewi. Přichodne lěta chce ministerstwo tam inwestować a připrawu modernizować.
Dan Brown Čechow puta
