Mjedwjedźe su hódančko

Praha. Čěsko-morawska hońtwjerska jednota namołwja policiju, pozdatne jewjenje mjedwjedźow w Čěskej dokładnje přepytować. Zwěrjata su so pječa njedawno na třoch poměrnje daloko wot so zdalenych městnach kraja pokazali. Wobsteji podhlad, zo zwěrjata něchtó zaměrnje njelegalnje do přirody pušći. Přirodnu migraciju mjedwjedźow ze susodnych statow fachowcy skerje wuzamkuja.

Wustajeńca na česć Hanskeho

Eisenhüttenstadt. Składnostnje lětušich stotych posmjertnych narodnin serbskeho molerja, grafikarja a medaljera Jana Hanskeho prezentuje Měšćanski muzej Eisenhüttenstadt wosebitu wustajeńcu wubranych twórbow wuměłca. Minjenu sobotu wotewrjena přehladka je hač do 6. januara 2026 přistupna. Z Njebjelčic pochadźacy Hanski bě wjace hač 40 lět w Eisenhüttenstadće skutkował a mjez druhim wopon města wuwił.

Planuja park wětrnikow we Wjelceji