Tomaš Klar jenički kandidat

Pančicy-Kukow. K wólbam wjesnjanosty Njebjelčanskeje gmejny 6. septembra nastupi jenož jenički kandidat. Je to Tomaš Klar z Miłoćic. Wólbny wuběrk zarjadniskeho zwjazka Při Klóšterskej wodźe je jeho kandidaturu dźensa wobkrućił. Na wólbnym lisćiku budu wolerjo swójski namjet připisać móc.

Na seminarje w Nižozemskej

Ljouwert/Leeuwarden. Na seminarje Federalistiskeje unije europskich narodnosćow (FUEN) za mjeńšiny bjez maćerneho kraja, kotryž so wot wčerawšeho do njedźele w Ljouwert/Leeuwarden w Nižozemskej wotměwa, so městopředsyda Domowiny dr. Hartmut Leipner a čłonaj zwjazkoweho předsydstwa Šarlota Kušcyc a Beno Bělk wobdźěla. Hosćićeljo su Zapadni Frizojo.

Na Europasionje w Awstriskej