Wjele próstwow wo spěchowanje

Budyšin. 108 próstwow wo spěchowanje je hač do wčerawšeho pola Załožby za serbski lud dóšło. Kaž rěčnica Hanka Budarjowa zdźěli, je mjez nimi znowa tójšto próstwow wo spěchowanje wuměłskeho nawoda chórow, rejwanskich skupinow, dźiwadłowych skupinow, za probowe lěhwa, ale tež za rjad festiwalow. Nimo toho proša próstwystajerjo wo podpěru za nakup a zhotowjenje drasty kaž tež za digitalne projekty. Kaž hižo loni cyłkowna suma požadanych srědkow budget přesahuje. Hač do kónca nowembra załožba rozsudźi, kotre próstwy přizwoli.

Mjenje bjezdźěłnych

Budyšin. W septembrje je so ličba bjezdźěłnych we wokrjesomaj Budyšin a Zhorjelc­ znižiła. Mnozy młodostni su spočatk měsaca swoje wukubłanje zahajili. Zdobom je wjac hač 1 100 bjezdźěłnych nowe dźěłowe městno našło. W přirunanju ze septembrom 2025 je ličba bjezdźěłnych lětsa wo 1,1 procent niša.

Jazzowy festiwal zwjazuje region