Znowa zadźěwki na A4

Słona Boršć. Na awtodróze A4 mjez Słonej Boršću a Budyšinom zapad jězdnju směr Zhorjelc wot dźensnišeho dospołnje ponowja. Kaž zarjadnistwo zawoda Autobahn tzwr zdźěli, budu dźěła něšto dlěje hač dwě njedźeli, hač do 5. nowembra trać. W tutym času njeje w Słonej Boršći přijězd na A4 směr Zhorjelc a wotjězd z njeje wottam móžny.

Film k narodninam

Praha. Towarstwo přećelow Serbow Společnost přatel Lužice je zawčerawšim z filmom na Jurja Kocha spominało. Serbski spisowaćel je hakle před krótkim swoje 90. narodniny woswjećił. Přitomni wobhladachu sej němski film „Rublak“ Konrada Herrmanna po noweli Jurja Kocha z čěskimi podtitlemi. W srjedźišću jednanja steji swójba we Łužicy, kotrejež domizna a statok matej so wudobywanja brunicy dla zničić.

Nowy wjesnjanosta w Porchowje