Warnuja před mejlkami

Drježdźany. Dźeń a wjace wobydlerjow ze Sakskeje so tuchwilu pola financnych zarjadow zwjazkoweho kraja přizjewja a wo mejlkach w zwisku z dawkowym programom ELSTER rozprawja. W mejlkach so wot potrjechenych žada, zo maja swoje daty aktualizować. Financne zarjady nětko před tajkimi mejlkami warnuja. Za kontowymi čisłami abo dawkowym čisłom so zarjady nihdy z mejlku njeprašeja. Ludźo měli tuž skedźbliwi być.

Wurězki z programa w syći

Budyšin. Wurězki z galaprograma Łužičanskeje rapsodije su wot wčerawšeho na youtube-kanalu studija Lucija wozjewjene. Rejwarki a rejwarjo běchu spočatk oktobra swój program na jewišću Serbskeho ludoweho ansambla předstajili. Rejwanska skupina mjeztym tři lěta trenuje a wustupuje. Poskitk Franca Šołty je sej w interneće dotal wjace hač 260 ludźi wobhladało.

Za zhromadny dowolowy region