Zastupne lisćiki na předań

Budyšin. Předpředań za 152. schadźowanku je oficialnje zahajena. Wot wčera, njedźele, tikety za swjedźeń na webstronje Załožby za serbski lud předawaja. Schadźowanka budźe lětsa 21. nowembra wospjet w Budyskej Krónje. Nimo znatych kabaretow studentskich skupinow wustupitaj wospjet tež studentski chór a chór 1. serbskeje kulturneje brigady.

Serbja na Dnju Saksow

Drjedźdźany/Budyšin. Nimo Serbskeho muskeho chóra Delany so tež Łužičanska rapsodija Serbskeho ludoweho ansambla na klětušim Dnju Saksow w Plauenje wobdźěli, kaž je naš wječornik zhonił. Čas za přizjewjenje pod 2027.tagdersachsen.de/mitmachen na towaršnostny wjeršk wot 18. do 20. junija 2027 su hač do kónca lěta podlěšili. Wo tym informowaše pjatk statna kenclija.

Pytaja žony za portrety