W sakskim volleyballowym finalu wobsadźichu hólcy Serbskeho gymnazija Budyšin w starobnej skupinje II we wurisanju „Młodźina trenuje za olympiju“ w Dippoldiswaldźe 4. městno. Wotlěwa su to Józef Hantuš, Janek Süß, Tadej Handrik, kapitan Matej Cyž; prědku wotlěwa Gabriel Zahrodnik, Toni Rudolph, Maximilian Jurack ze sportowym wučerjom Měrkom Korjeńkom. Foto: Měrko Korjeńk
W krajnym finalu volleyballa starobneje klasy II wurisanja „Młodźina trenuje za olympiju“ w Dippoldiswaldźe falowaštej hólcam Serbskeho gymnazija Budyšin móličkej dypkaj za bronzu. Rozsudnu třeću sadźbu přěhrachu hrajerjo wokoło kapitana Mateja Cyža přećiwo Wernera Heisenbergowemu gymnazijej Riesa 13:15 a wobsadźichu tak njedźakowne 4. městno na turněrje.