Policija (16.10.19)

Mittwoch, 16. Oktober 2019
Artikel bewerten
(0 Stimmen)

NDRske mopedy požadane

Eckartsberg/Rózbork. Chětro požadane su mjez paduchami tuchwilu zaso raz NDRske mopedy typa Simson. Tón zaćišć znajmjeńša zbudźa wčerawša nowinarska zdźělenka policije. Tam mjenujcy rěka, zo su njeznaći hnydom dwaj tajkej mopedaj spakosćili. W Eckartsbergu w gmejnje Mittelherwigsdorf pola Žitawy su so paduši w nocy na póndźelu do garaže zadobyli a S 50 sobu wzali. Moped měješe hódnotu něhdźe 1 500 eurow.

Tohorunja w Rózborku (Rothenburg) su njeznaći Simson typa S 51 w nocy na póndźelu z garaže pokradnyli. Tež tón měješe hódnotu něhdźe 1 500 eurow. Na woběmaj městnomaj su policisća wjacore slědy zawěsćić móhli. Dalše slědźenja za pokradnjenymaj Simsonomaj je mjeztym kriminalna policija přewzała.

Veröffentlicht in Policija
Bitte anmelden, um einen Kommentar zu posten

Anzeige