Stota dypkowa hra za SJ Chrósćicy

Dienstag, 03. Mai 2022
Artikel bewerten
(0 Stimmen)
Předsyda SJ Chrósćic Jurij Kokla (wotlěwa) a jednaćel Tadej Cyž (naprawo) přepodaštaj Michałej Młynkej pokal za jeho stotu hru za Chróšćanow. W hrě přećiwo Drohotce Ramnow běše Młynk hnydom trójce wuspěšny.  Foto: Jan Bogusz Předsyda SJ Chrósćic Jurij Kokla (wotlěwa) a jednaćel Tadej Cyž (naprawo) přepodaštaj Michałej Młynkej pokal za jeho stotu hru za Chróšćanow. W hrě přećiwo Drohotce Ramnow běše Młynk hnydom trójce wuspěšny. Foto: Jan Bogusz

Do zakopa hry SJ Chrósćicy přećiwo Drohotce Ramnow minjenju njedźelu bu Michał Młynk z Hórkow za swoju 100. dypkowu hru za Chróšćanow počesćeny. Wosebity dźeń bě sebi Młynk sam skulojćił, w tym zo zamó w hrě hnydom troje wrota třělić. Tak přinošowaše wón zdobom jasnemu dobyću SJ Chrósćicy z kónčnym stawom 5:0. W swojej karjerje za prěnje mustwo bě Michał Młynk cyłkownje 22 wrotow třělił. W hrajnymaj dobomaj 2019/2020 a 2020/2021 běše 25lětny za Rakečanske sportowe towarstwo aktiwny, po tym pak so zaso do Chrósćic nawróći. „SJ Chrósćicy je mustwo, do kotrehož moja wutroba słuša. Je to mustwo w kotrymž sym započinał kopańcu hrać, mam tu mnoho přećelow a nalada w mustwje je jara pozitiwna. Nimo toho chcu w serbskim mustwje hrać a w Chrósćicach móžu to na runinje krajneje klasy činić, štož je cyle wosebite za mnje. Wothladajo wot toho je w mustwje runje mnoho młodych hrajerjow, kotřiž maja mnoho potenciala a lóšt so stajnje polěpšeć“, tak Michał Młynk.

Veröffentlicht in Sport
Bitte anmelden, um einen Kommentar zu posten

Anzeige