Prěni strózby mjezyfacit swětowych mišterstwow

Donnerstag, 08. Dezember 2022
Artikel bewerten
(0 Stimmen)
Hačrunjež njejsu stadiony w Katarje połne, so w městach hosćićela WM zahoriće kopańca hraje.  Foto: pa/Abbie Parr Hačrunjež njejsu stadiony w Katarje połne, so w městach hosćićela WM zahoriće kopańca hraje. Foto: pa/Abbie Parr

Po 17 hrajnych dnjach koparskich swětowych mišterstwow (WM) běše wčera prěni dźeń přestawki bjez hry, doniž njepóńdźe jutře dale ze štwórćfinalomaj. Tak hodźi so prěni mjezyfacit sćahnyć.

Zo pjenjezy při swětowych mišterstwach w srjedźišću steja, to dyrbjachu přiwisnicy sporta tež hižo w zašłosći akceptować. Tola lětsa je to hišće raz na cyle nowym niwowje. Dokelž je WM w Katarje z hoberskim wotstawkom dotal w přirunanju najdróša, njezadźiwa, zo dyrbi přihladowar lětsa prěni raz pjenjezy płaćić, hdyž chce wšě hry live widźeć. Tak so w minjenych tydźenjach wjele ludźi prašeše, hdźe so hry pokazaja, hdyž nic pola ARD abo ZDF? „Pjenježny“ sćelak Magenta TV je sej mjenujcy prawa za wšitke partije zawěsćił. Tak je hižo jasne, zo so štwórćfinalna hra mjez Brazilskej a Chorwatskej jutře w 16 hodź. jeničce na ­Magenta TV pokaza.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND