ST 1922 Radwor –

HZ Hórnikečanski jězor 3:2 (0:1)

Zestawa domjacych: Šěrak – B. Grubert, Schäfer, M. Grubert, Wjeńka, Paška (96. J. Pěčak), Triebs (59. Elsner), Glücklich, Adam (94. Lawka), Wencel (59. Buša), Dźisławk (91. Krječmar)

To bě za Radworskich koparjow poslednja winowatostna dypkowa hra w lěće 2025. Špatneho trawnika w Radworju dla wotmě so partija na kumštnym trawniku w Budyšinje. Radworski cyłk bě wulce motiwowany a chcyše so z třomi dypkami do zymskeje přestawki rozžohnować. Wuměnjenja pak běchu ćežke. Najprjedy sylny wětřik hru poćežowaše, dokelž Radworscy přećiwo wětřikej hrajachu. Hosćo z Wulkich Zdźarow pospytachu so w spočatnej fazy z tójšto dołhimi bulemi, kiž buchu přez wětřik wosebje strašne, a kiž dowjedźechu k mnohim róžkam. Radwor měješe tuž najprjedy ćeže so prawje do hry namakać, móžeše pak z rjanymi kombinacijemi přez křidle někotre akcenty sadźeć. Najwjetšu šansu měješe při tym Caspar Dźisławk. Někotre zakónčenja pak dźěchu snadnje nimo wrotow. W 37. min. padny 0:1 za hosći. Domjacy njemóžachu bul po róžku konsekwentnje wujasnić.