Wo serbsko-němskim poměrje

Ketlicy. „Naš kraj“ rěka „performatiwna dźiwadłowa hra wo serbsko-němskim poměrje“, kotruž su lajske akterki a lajscy akterojo z Delnjeje a Hornjeje Łužicy pod nawodom režiserki Juliane Meckert wuwili a nazwučowali. Dźensa, pjatk, chcedźa ju premjernje w Ketličanskej cyrkwi předstajić, a to w 19.30 hodź. Dalšu składnosć, sej inscenaciju wobhladać, změja zajimcy sobotu, 25. nowembra, w Choćebuskej Zinzendorfskej cyrkwi, tohorunja w 19.30 hodź. Zastup płaći stajnje 10 eurow.

Spěwy z brunicowych kónčin

Łaz. Projektowy žónski chór, kotryž je dźěl hudźby za film „Pola nas rěka wona Hanka“ (hlej 1. strona) nahrawał, předstaji jutře, sobotu, pod nawodom Walburgi Wałdźic „Spěwy z brunicowych rewěrow“. Wo wudospołnjace zynki postara so Izabela Kałduńska na huslach kaž tež z loopami a dalšimi efektami. Koncert we Łazowskej cyrkwi započnje so we 18 hodź., zastup je darmotny.

Premjera z rańšim piwkom