Meji padnjetej

Hórki/Chrósćicy. Wjesne towarstwo „Při skale“ w Hórkach přeproša na mejemjetanje. Tam poběža młodźency dźensa, pjatk, wot 17.30 hodź. na nawsy wo wjeršk meje. Po počesćenju mejskeju krala a kralowny přizamknje so program wjesnych dźěći w stanje při gratowni. Wot 19.30 hodź. wuhotuje skupina ­Brankatschki & přećeljo zabawny wječor. Jutře, sobotu, staraja so na nawsy w Chrósćicach Chróšćanscy muzikanća wo dobru naladu, ručež tam w 16 hodź. meja padnje. Po tradiciji změja zaso ­tombolu a překwapjenku za dźěći. Wot 19.30 hodź. zahraje skupina Holaski ­k ­rejam­.

Festiwal za angažowanych

Wojerecy. Kulturna fabrika we Wojerecach zahaji jutře, sobotu, festiwal za ciwilny angažement a čestne zastojnstwo. OPEN Neuland ma region bliže předstajić. Zajimcy móža přednoškam sćěhować a so na dźěłarničkach wobdźělić. Wiki kreatiwnych móžnosćow proša na wotewrjenu wuměnu.

Wotewrjene zahrody