Premjera noweho zynkonošaka

Budyšin. „Za Minu“ rěka nowa CD, kotruž spěwarka Walburga Wałdźic a huslerka Izabela Kałduńska dźensa, pjatk, premjernje w Budyskim Serbskim muzeju předstajitej. Zynkonošak wopřijima zhudźbnjenja basnjow Miny Witkojc a je po słowach hudźbnicow „hommage na wusahowacu delnjoserbsku spisowaćelku“. Koncert započnje so w 19 hodź., zastup postaja hosćo po swojej woli.

Dohlad do „dźiwjeje“ Łužicy

Malešecy. Kamerownik a fotograf přirody Lennert Piltz z Gródka je srjedu, 3. decembra, z hosćom w Stróži. W tamnišim Domje tysac hatow chce pod hesłom „Dźiwja domizna Łužica“ zajimcow „do zwěrinskeho a krajinoweho swěta pohórnistwoweje krajiny kaž tež lěsow a hatow Łužicy wuwjedować“. Z wobrazowym a filmowym přednoškom podawa nimo toho „napjate a jónkrótne dohlady“ do swojeho dźěła. Zarjadowanje započnje so w 19 hodź., zastup płaći 2 euraj resp. potuńšeny 1 euro.

Prawobydlerjo w fokusu