Ebersbach (dpa/SN). Po wospjetnym wudyrjenju ptačeje gripy we wulkozawodźe w Ebersbachu w Mišnjanskim wokrjesu dyrbja tam wšitke zwěrjata morić. To potrjechi 310 000 kokošow, sakske socialne ministerstwo zdźěla. Do toho běchu 80 000 a pozdźišo 40 000 kokošow morić dyrbjeli. Nětko dyrbja po směrnicach EU bjez wuwzaća wšón wobstatk zničić. „To je hórki, ale trěbny rozsud“, rjekny socialna ministerka Petra Köpping (SPD). Zawod je najwjetši po wšej Sakskej.

Zelenskyj we Waršawje

Waršawa (dpa/SN). Ukrainskeho prezidenta Wolodymyra Zelenskeho wočakowachu dźensa we Waršawje. Tam zetka so wón z prezidentom Karolom Nawrockim. Na prěnim oficialnym zeńdźenju wobeju statneju nawodow chcyštaj prašenja zakitowanja a hospodarstwa wob­rěčeć. Dalša tema su zhromadne stawizny, při čimž wočakuja napjate diskusije. Polacy njejsu zabyli, zo su ukrainscy nacionalisća w Druhej swětowej wójnje tysacy Polakow brutalnje morili.

Zniža dawk za hosćencarjow