Hotuja so na Galand-cup

Donnerstag, 27. Februar 2020 geschrieben von:

Serbska koparska wubranka młodźiny D přihotuje so tučasnje na swoju premjeru na halowym koparskim turněrje. Budźe to prěni raz, zo so serbske dorostowe mustwo na tajkim wubědźowanju wobdźěli. Galand-cup wotměje so jutře, pjatk, w sportowni při Kamjenskim lětanišću. Wuhotowar turněra Jednota Kamjenc přewjedźe přez cyły kónc tydźenja dorostowe koparske turněry wot młodźiny F hač k młodźinje A.

Wužadanje za serbski cyłk je wulke, wšako stejitej na wobdźělenskej lisćinje mjez druhim tež mjena mustwow z Biskopic a Drježdźan. Niwow njeda so dokładnje zarjadować a posudźować. Hižo na prěnim treningu dźens tydźenja pak so pokaza, zo su mjez Serbami koparske ta­lenty. Wšitcy běchu z wjeselom, wulkim zasadźenjom a koncentraciju při wěcy. Nimo kopańcy pak je čiła zhromadnosć mjez dźěćimi runje tak wažna. W srjedźišću prěnjeho zetkanja stejachu hrajne formy, technika a wšelakore hry z bulom, zo bychu so wšitcy derje zeznajomili.

Prěni testso zešlachćił

Donnerstag, 27. Februar 2020 geschrieben von:

FSV Bretnig-Hauswalde – SJ Chrósćicy II 3:4 (2:1)

Zestawa hosći: Hejduška – Klimant, Dehn, Dórnik, Mark, M. Donat, Wowčer, Žur, J. Donat, Liznar, B. Donat

K přihotej na druhu połojcu hrajneje doby 2019/2020 bě sej koparska rezerwa Chróšćanskeje sportoweje jednotki do Bretniga dojěła. Wuměnjenja za nju njeběchu optimalne, wšako dyrbješe jeno z jědnaće hrajerjemi wuńć. Zaměr bě so spočatnje na defensiwne nadawki koncentrować a so tak jako mustwo zahrać. To so cyle derje poradźi. Hačrunjež domjacy partiju kontrolowachu, njemóžachu sej dołho žane dobre šansy wuhrać. Za to mějachu Chróšćenjo wosebje přez wysoke třělwy za liniju škitarjow prěnje móžnosće. Tak poda so Stefan Liznar w 29. min. po tajkej samlutki na wrotarja a pósła jeho do wopačneho kuta, prjed hač bul do saka suny. Hosćićeljo pak móža­chu duel hišće do połčasa na 2:1 zwjertnyć.

Wažne prašenje nětko rozrisane

Mittwoch, 26. Februar 2020 geschrieben von:

Za nic wjac cyle štyri měsacy chce so dalša serbska delegacija z koparkami a koparjemi do Awstriskeje podać, tam na europeadźe našu domiznu zastupować a so po móžnosći tež wuspěšnje wobdźělić. Referent Domowiny za kulturu a wukraj Clemens Škoda ma tónraz wšitke nitki w horšći. Delegaciski nawoda je so mjez druhim hižo sčasom wo přebywanišćo w Korutanskej starał kaž tež wo transport do krasneje kónčiny. Najwjetše wužadanje pak za njeho w minjenych měsacach zawěsće bě mustwje z Hornjeje a Delnjeje Łužicy hromadu wjesć. Kak je puć dotal wotběžał, je wón Jurjej Bjeńšej w rozmołwje přeradźił.

Knježe Škoda, njedawno sym w Serbskim rozhłosu tuchwilnu situaciju nastupajo wubranku kritisce komentował. Přede­wšěm zjawnostne a medialne dźěło, ale tež jasne wuprajenja k zestajenju kadra přińdźechu nam žurnalistam, ale tež fanam překrótko. Kak sće wosobinsce jako delegaciski nawoda na to reagował?

Nowopřichad Radim Věchet dwójce trjechił

Dienstag, 25. Februar 2020 geschrieben von:

Biskopičanske KT II – SJ Chrósćicy 2:2 (2:2)

Za SJC zasadźeni: Hejduška – L. Zahrodnik, Sentivan, Cyž, Henzl, M. Zahrodnik, G. Zahrodnik, Zynda, F. Zahrodnik, Věchet, Bogusz, Matješk

Načolnik wysoko dobył

Dienstag, 25. Februar 2020 geschrieben von:
Nimale 100 přihladowarjow dožiwi minjenu sobotu hru Jednota Kamjenc – Přezjednota Niska w krajnej lize. Dotal njeporaženy načolnik je duel 6:1 dobył. Za Jednotu bě Jonas Krawčik (4. wotlěwa) hnydom trójce trjechił. Foto: Jörg Stephan

Wuslědki (25.02.20)

Dienstag, 25. Februar 2020 geschrieben von:

Kopańca, regionalna liga muži

1. VSG Altglienicke 23 55 : 29 44

2. Lok Lipsk 23 39 : 22 44

3. FC Energija Choćebuz 22 48 : 31 41

4. Hertha BSC II 23 55 : 35 38

5. Union Fürstenwalde 23 41 : 32 34

6. BFC Dynamo 23 28 : 25 34

7. Berlinski AK 23 47 : 35 33

8. FC Viktoria Berlin 22 20 : 15 29

9. VfB Auerbach 22 37 : 45 29

10. SV Lichtenberg 47 22 26 : 32 25

11. ZFC Meuselwitz 21 30 : 34 24

12. BSG Chemija Lipsk 23 18 : 22 23

13. Wacker Nordhausen 21 44 : 36 19

14. Germania Halberstadt 23 24 : 40 18

15. Optik Rathenow 22 19 : 44 17

16. SV Babelsberg 21 18 : 37 13

17. Biskopičanske KT 20 16 : 51 11

18. Čerw.-běli Erfurt zg. 19 0 : 0 0

krajna liga

1. Jednota Kamjenc 16 40 : 8 40

2. VfL Pirna-Copitz 07 15 21 : 12 27

3. FC 1910 Lößnitz 16 29 : 19 26

3. Nowosólc-Hródk 14 29 : 19 26

5. Budissa Budyšin 16 34 : 23 25

6. Großenhainski FV 90 16 29 : 26 25

7. SV Germania Mittweida 16 22 : 24 25

8. LSV Nowe Město 16 33 : 24 22

9. SG Taucha 99 16 21 : 16 21

10. FC Módro-běli Lipsk 16 14 : 20 19

11. Rjemjesło Rabenstein 16 25 : 34 17

12. Kickers Markkleeberg 16 26 : 33 16

13. FV Přezjednota Niska 16 23 : 40 16

14. Radebeulski BC 08 16 18 : 32 15

15. SG Motor Wilsdruff 16 12 : 36 8

16. BSG Wocl Riesa 15 19 : 29 6

Wuslědki (24.02.20)

Montag, 24. Februar 2020 geschrieben von:

Kopańca, wokrjesna wyša liga

Motor Kumwałd – TSV Połčnica 4:2 (3:2)

Wachau – ST Hnašecy-Dobruša 3:2 (3:0)

Wojerowski FC – LSV Hory 2:4 (2:2)

Drohotka Ramnow – Porchow 4:3 (3:3)

Großnaundorf – Němske Pazlicy wupad

1. Drohotka Ramnow 16 44 : 25 38

2. Póst Germ. Budyšin 15 43 : 21 36

3. LSV Hory 16 39 : 26 32

4. Módro-běli Kulow 16 33 : 21 32

5. ST Horni kraj-Sprjewja 15 42 : 23 29

6. Sokoł Ralbicy/Hórki 15 29 : 30 23

7. ST Hnašecy-Dobruša 16 31 : 33 23

8. TSV Wachau 16 36 : 33 21

9. Wojerowski FC 16 42 : 38 18

10. SG Großnaundorf 15 27 : 31 17

11. TSV Połčnica 16 30 : 48 17

12. ST Kinspork/Łužnica 16 19 : 25 15

13. ST Marijina hwězda 15 27 : 37 15

14. Motor Kumwałd 16 36 : 45 13

15. Natwar Němske Pazlicy 15 21 : 32 13

16. ST Porchow 16 16 : 47 10

wokrjesna liga, stafla I

Hnašecy-Dobruša II – Budyšin II 2:0 (0:0)

ST Budyšin – Zeleno-běli Bukecy 0:1 (0:0)

Arnsdorf – SC Großröhrsdorf II 4:1 (2:1)

TSV Wjernarjecy – TSV Wjazońca wupad

Huska/Hodźij – Bretnig-Hausw. wupad

Lomnitz-Großnaund. II – Kubšicy wupad

Biskopicy II – SV Frankenthal 4:2 (2:2)

Wjelećin – FV Ottendorf-Okrilla wupad

1. Biskopičanske KT II 16 55 : 20 41

2. Arnsdorfske KT 16 56 : 21 40

3. Zeleno-běli Bukecy 16 57 : 25 37

4. TSV Wjernarjecy 15 40 : 26 32

5. FV Ottendorf-Okrilla 15 44 : 34 27

6. ST Wjelećin 15 47 : 33 24

7. SC Großröhrsdorf II 16 41 : 34 23

8. ST Kubšicy 15 29 : 22 23

9. ST Budyšin 16 22 : 43 21

10. Bretnig-Hauswalde 15 27 : 25 18

11. SV Frankenthal 16 22 : 36 16

12. TSV Wjazońca 15 28 : 28 15

13. HZ Huska/Hodźij 15 26 : 39 13

14.  HZ ST Horni kraj-Sprjewja II/

ST Hnašecy-Dobruša II 16 19 : 47 9

15. Lomnitz-Großnaund. II 15 17 : 48 8

Snadnu poražku poćerpjeli

Montag, 24. Februar 2020 geschrieben von:

Wojerowski FC II – SJ Njebjelčicy 1:0 (1:0)

Zestawa hosći: Hahn – Kral, Hanuza, Hoelzel, Šołta (60. Gödig), Korjeńk, Malaškin (73. Ričel), Domš, Čornak, Wagner (55. Lejnart), Plaettner

Za Njebjelčanskich koparjow bě ćežko so tak prawje do hry namakać. Po wotprajenju­ přihotowanskeje partije w Großröhrsdorfje pobrachowaše jim tróšku hrajerska praksa na kumštnym hrajnišću. Prěnju třělwu na přećiwniske wrota sadźi Leopold Hoelzel po přihrawce Williama Plaettnera (8.). Plaettner sam pospyta so w 20. min. z kromy šěsnatki, ale tohorunja bjez wuspěcha. We 28. min. kiwaše wuspěch přez krasny wólny kop Gabriela Čornaka, domjacy wrotar pak storči bul z wulkotnym zasadźenjom runje tak k róžkej. Tón zhłójčkowa Dennis Wagner snadnje přez łatu. Nětko plećeše so partija přez cyły čas mjez šěsnatkomaj. Tola krótko do přestawki poradźi so Wojerowčanam krasny nadběh přez prawe křidło. Derje do šěsnatki přihraty bul wužiwachu woni hnydom za 1:0.

Žołto-běli Zhorjelc – SJ Chrósćicy 1:13 (0:4)

Zasadźeni hrajerjo: Hejduška, Králíček – B. Cyž, Sentivan, Mark, F. Cyž, L. Zahrodnik, Matješk, Zynda, M. Zahrodnik, G. Zahrodnik, F. Zahrodnik, Runt, Věchet, Bogusz

K předposlednjej přihotowanskej hrě dojědźechu sej koparjo Chróšćanskeje SJ do Zhorjelca. Tam wočakowaše jich mustwo z wokrjesneje wyšeje ligi Hornja Łužica. Wot spočatka chcychu je hosćo pod ćišć stajić a tak zmylki prowokować, z čimž běchu wuspěšni. Prěnju składnosć wuži Radim Věchet 0:1 (14.), jako so w šěsnatce přećiwo dwěmaj přećiwniskimaj hrajerjomaj přesadźi. Z rjenje wuhratymi konterami, wosebje přez lěwu stronu, móžeštaj Feliks Zahrodnik a dwójce Věchet mjezywuslědk do přestawki samo­ hišće na 0:4 zwyšić.­ W defensiwje běchu Chróšćanscy koparjo mało pra­šani. Domjacym so tón dźeń wjele nje­poradźi. Nimo toho přeprošachu hrajerjow SJC přez wulke zmylki k třělenju wrotow.

Awtor dźensa Tadej Cyž

Rady bych na tymle městnje wo dožiwjenjach kołowokoło zymskeho sporta pisał. Ale bohužel njeskići nam miłe­ zymske wjedro lětsa žane porjadne wuměnjenja za lodohokej, sankowanje abo sněhakowanje. Samo w Alpach a dalšich regionach zymskeho sporta po cyłym swěće njejsu wuměnjenja tajke idealne, kaž je hewak znajemy. Masowy turizm, kotryž wosebje při sněhakowanju knježi, steji hižo dołho w kri­tice. Samo domoródni Italčenjo, Awstri­čenjo a Šwicarjo, kotřiž w prěnim rjedźe wot toho profituja, njejsu sebi wjace wěsći a přezjedni, hač su turisća woprawdźity dobytk. Masiwne zapřimnjenje do přirody při wutworjenju a nowotwarje wulkich zymskosportowych arealow so tola chětro na ekologiski system wuskutkuje. Jónkrót­na krajina zhubi tuž zdźěla swój wosebity charakter.

Hač stejitej miła zyma a mało sněha w zwisku ze změnu klimy, posudźować njemóžu a tež nochcu. W tym nastupanju njech kóždy najprjedy raz sam spyta wěste wotběhi we wšědnym žiwjenju změnić. Snano wužiwamy bóle koleso a ćah město awta a škleńcu město plastiki.

Neuheiten LND