„Hdyž klanki běžeć wuknu – trikowe filmy a animacije DEFA z ...
Pokiwy (30.12.22)
Łaćonskoameriske zynki a wjac
Budyšin. Pod hesłom „Salsa & Bachata meets Discofox“ wuhotuje bara „Habana“ dźensa, pjatk, wot 20 hodź. reje w Budyskej „Krónje“. Nimo łaćonskoameriskich zynkow a rytmow wabja mjez druhim tež reggaeton, dancehall a titulny discofox do pohiba. Zastup płaći 5 eurow.
Retrospektiwa nimale nimo
Budyšin. Wosebita wustajeńca Muzeja Budyšin „Wuměłstwo a přiroda – INO – Ingerose Jänichen-Kucharska – Retrospektiwa“ z wjace hač 200 objektami, kaž na přikład z mólbami a keramiku Jänichen-Kucharskeje, znateje pod pseudonymom INO, je hišće hač do njedźele, 1. januara přistupna. Wuspěšna přehladka bu krótkodobnje hač do tohole dnja podlěšena. Regularneje finisaže njebudźe, zastup płaći 3,50 eurow resp. potuńšeny 2,50 eurow.
Nowe lěto ze znatymi operetami
Rozhłós (30.12.22)
njedźelu hornjoserbsce
11:00 Łužica tutón tydźeń
11:20 Bilanca: „To bě dźiwadłowe lěto 2022 w Serbach“
11:45 Zazběh do jubilejneho lěta 2023: 70 lět Serbski rozhłós
12:00 Nabožne wusyłanje
(Pětr Mróz)
po tym zbožopřeća
delnjoserbsce
12:30 Aktualny magacin
13:00 Tematiske wusyłanje: Nowolětny koncert Serbskeho ludoweho ansambla składnostnje 70. róčnicy załoženja institucije
13:40 Nabožne wusyłanje
(Tobias Pawoł Jachmann)
po tym zbožopřeća
Pokiwy (23.12.22)
„Wysoko-energetiski rock“
Budyšin. Lubowarjam „wysoko-energetiskeho rocka“ kiwa dźensa, pjatk, w 20.30 hodź. „přiležnosć, so do hód hišće raz prawje wucychnować“. Na žurli Kamjentneho domu w Budyšinje zahraje deathpunk-band Asses of Fire swoju „The Turbonegro show“, tributny to program za sławnu norwegsku skupinu samsneho mjena. Zastup při wječornej kasy płaći znajmjeńša 12 eurow.
Patoržica z technom a punkom
Biskopicy. „Kofejownja samotnych wutrobow“ Biskopičanskeho East Cluba je jutře, patoržicu, wot 22 hodź. wšěm wotewrjena, kotřiž „chcedźa hodownej błudnosći wućěkać“. Na hłownym jewišću prezentuje DJ Riot Weekend techno a house, na małym chce DJ L.U.K. hosći z punkom a rockowymi klasikarjemi do rejki wabić. Dźeń pozdźišo swjeći klub wot 22 hodź. swoje 28. narodniny, a to z dohromady pjeć DJjemi. Zastup za wobě zarjadowani je darmotny. Póndźelu, 26. decembra, wuhotuja w 21 hodź. na samsnym městnje koncert ze skupinomaj Falout a Motörizer, zastup při wječornej kasy płaći 13 eurow.
Jaty „Budyšina II“ rozprawja
Drje najwjetši adwentny wobłuk swěta nad modelom wjesneje cyrkwje ...
Přiměrjenje abo-pjenjeza
Lube abonentki, lubi abonenća,
stupace kóšty w ćišćernjach tež Serbske Nowiny njewobeńdu. Za čas koronapandemije njebě połoženje nastupajo ćišćersku papjeru jenož přewšo napjate, jeje płaćizna je so runje tohodla z městnami zwyšiła. Tymle wobstejnosćam so tež Ludowe nakładnistwo Domowina a redakcija Serbskich Nowin dlěje wuwinyć njemóžetej.
Tohodla změja Serbske Nowiny wot 1. januara 2023 nowu płaćiznu. Lětny abonement za ćišćane wudaće płaći potom 79,20 eurow, abonement za digitalne wudaće 48,00 eurow, kombinowany abonement – ćišćana a digitalna wersija – 94,80 eurow a jednotliwe wudaće 0,50 eurow. Štóž jenož kónctydźenske wudaće w abonemenće čita, płaći na lěto 33,60 eurow, młodźinski abonement ćišćany a digitalny 36 eurow.
Prosymy wo zrozumjenje.
Ludowe nakładnistwo Domowina
Křižowka (23.12.22)
Wodorunje: 3 alkoholiski napoj, 5 strašna wójnska bróń, 6 njefachowc, 7 něhdy braniborski knjejski splah, 10 zapopadnje žołmy, 13 wojowanja, 14 nic Serbowka, 15 město optiki w Durinskej
Padorunje: 1 šwedska skupina, 2 kónc modlitwy, 3 južny štom, 4 wojerske rozestajenje, 8 rěka w Francoskej, 9 žónske předmjeno, 11 demonstracija, 12 koparski klub w Madridźe
Foto: adobe.stock.com/Darius Dzinnik (23.12.22)
Hodowne poselstwo
Ćiše z njebja sněh na zemju pada,
zakryje ju z běłym poslešćom.
Přiroda za wotpočinkom žada,
čłowjekej je z dobrym přikładom.
Lochce z njebja sněh na zemju pada,
ludźo honja sprócni po hasach.
Kóždy za lubosću pyta, hlada,
swjećić hody chce w zbóžnych začućach.
Měrnje z njebja sněh na zemju pada,
wójnu nochce žana wutroba.
Wujednać so měła kóžda zwada,
bože dźěćo z njebjes přichadźa.
Jěwa-Marja Čornakec
Rozhłós (23.12.22)
njedźelu, 1. dźeń hód
hornjoserbsce
11:00 Łužica tutón tydźeń, mjez druhim z přehladom powěsćow
11:10 Wozjewjenje dobyćerja akcije „Waš najlubši adwentnym abo hodowny spěw“
11:20 Hodowna hudźba
11:40 Hodowne postrowy z hudźbu
12:00 Nabožne wusyłanje
(Florian Mróz)
po tym zbožopřeća
delnjoserbsce
12:30 Swójbny program, mjez druhim z „Hodownym koncertom po přećach připosłucharstwa
13:40 Nabožne wusyłanje
(Christiana Piniekowa)
póndźelu, 2. dźeń hód
hornjoserbsce
11:00 Łužica tutón tydźeń, mjez druhim z pokiwami
11:10 Dźakne kónclětne zarjadowanje ćěkańcow z Ukrainy w Kulowje
11:30 Hodowna hudźba
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Swójbny program, mjez druhim z přinoškom za dźěći „Hody w Ruskej“ a rozhłosowej nutrnosću z fararku Katharinu Köhlerowej
13:00 Delnjoserbska hodowna kantata
po tym zbožopřeća
