26. raz witaše minjenu njedźelu před­sydstwo Domowinskeje skupiny Šunow/Konjecy wjace hač 40 zajimcow na kolesowanje po domiznje. Při zhromadnym wotjězdźe drje nas swjaty Pětr tróšku pokrjepi, na to pak je z nami po cyłych dwaceći kilometrach derje měnił. Po puću do Koćiny zastachmy při pomniku mortweje holčki a wuwědomichmy sej njeskutk, při kotrymž bu dźowka Ko­nječanskeho korčmarja Šołty, jako kmótra družču drastu woblečena, morjena.