Na Ještědźe přenocowali

Mittwoch, 08. März 2017
Artikel bewerten
(0 Stimmen)
Kulowscy šulerjo-serbšćinarjo 10. lětnika pobychu na swojej wuprawje do Čěskeje mjez druhim w muzeju Liberecskeje techniskeje uniwersity.  Foto: Achim Nowak Kulowscy šulerjo-serbšćinarjo 10. lětnika pobychu na swojej wuprawje do Čěskeje mjez druhim w muzeju Liberecskeje techniskeje uniwersity. Foto: Achim Nowak

Šulerjo-serbšćinarjo 10. lětnika Kulowskeje wyšeje šule „Korla Awgust Kocor“ pobychu minjeny tydźeń w Čěskej. Wučerka serbšćiny Ines Lešowa dojědźe sej z nimi z małobusom do Libereca. Tam wobhladachu sej najprjedy centrum města z jeho znatej historiskej radnicu kaž tež měšćanske dźiwadło. Na to wopytachu nowy muzej­ Liberecskeje techniskeje uniwersity ze wšelakimi laborami, z planetarijom a móžnosćemi za eksperimenty. Tu šulerjo mnohe wěcy wupruwowachu.

Do chowanja słónca dojědźechu na Ještěd z jeho futuristiskej wěžu. Hora witaše jich ze sylnym wichorom a sněhom. Šulerjam bě to wosebite dožiwjenje, dokelž w hotelu wěže přenocowachu. Po słódnej čěskej wječeri wužiwachu składnosć, na nócne město hladać.

Nazajtra po snědani jědźechu wulětnikarjo z powjaznicu horu dele, hdźež jich wučerka hižo wočakowaše. Nětko wopytachu wólnočasny centrum Babylon, prjedy hač so po wobjedźe zaso na dompuć do Kulowa nastajichu.

Veröffentlicht in Serbski powěstnik
Bitte anmelden, um einen Kommentar zu posten

Anzeige