W Njeswačidle maja zaso póštowu wotnožku

Mittwoch, 18. April 2018
Artikel bewerten
(0 Stimmen)
Beata Budarjowa přećelnje swojich kupcow posłužuje. Silke Fähnrichowa (wot lěwa) wjeseli so nad pakćikom.  Foto: Lucija Rubinowa Beata Budarjowa přećelnje swojich kupcow posłužuje. Silke Fähnrichowa (wot lěwa) wjeseli so nad pakćikom. Foto: Lucija Rubinowa

Jako bu znate, zo optikarski wobchod na terenje BHG w Njeswačidle kónc januara 2018 zawru, njebě ludnosć runjewon zwjeselena. Nimo nawočow a pisanskeje potrjeby bě we wobchodźe mjenujcy tež wotnožka póšty zaměstnjena. Po jeničce dwěmaj lětomaj so młoda wobchodnica rozsudźi, do Rakec přećahnyć. Z tym bě Njeswačidło bjez póšty. Runje w dźensnišim času, hdyž bywa mnóstwo paketow wobstajnje wyše, bě to špatny signal wobydlerjam. Ludźo dźě pakćiki jenož njepřijimuja, ale je často zaso bjezpłatnje wróćo pósćelu.

Ćim bóle so wobydlerjo nětko wjesela, zo je so mandźelska Christiana Budarja, kotryž ma blidarstwo a wobchod za pčołarsku potrjebu na terenje BHG, rozsudźiła, póštowu wotnožku we wobchodźe sobu zaměstnić. Po tym, zo bě so za wažne dźěło wukubłać dała, posłužuje Beata Budarjowa nětko kupcow wšědnje popołdnju wot 14 do 17 hodź. a sobotu wot 9 do 11 hodź.

Veröffentlicht in Serbski powěstnik
Bitte anmelden, um einen Kommentar zu posten

Anzeige