Wo tuchwilnej situaciji migrantow a ćěkancow w Budyskim wokrjesu zhonić, a to wot kompetentneje wosoby, běše njedawno tema stajneho blida Budyskeje žónskeje unije CDU. Předsydka Regina Spitzer běše nawodu hamta za wukrajnikow krajnoradneho zarjada Larsa Eibischa na rozmołwu do hosćenca Lusatia přeprosyła. 40lětny jurist wšak njeje po nimale třoch lětach hižo nowačk w zarjedźe. Wosebje wažne jemu je, zo so diskusija nastupajo požadarjow azyla z emocionalneje runiny skónčnje zwěcni. „Je naš job, zo problemy zmištrujemy“, je jeho dewiza.