Spěwarki a spěwarjo Lipy do wysokosćow so podali

Montag, 18. November 2019
Artikel bewerten
(0 Stimmen)
Spěwarki a spěwarjo Pančičansko-Kukowskeho chóra Lipa dźakowachu so při rozžohnowanju z personalom hotela w Jaworniku z pěsnju za dobre dźěło, za słódnu jědź a přećelnosć.  Foto: Hanka Wowčerjowa Spěwarki a spěwarjo Pančičansko-Kukowskeho chóra Lipa dźakowachu so při rozžohnowanju z personalom hotela w Jaworniku z pěsnju za dobre dźěło, za słódnu jědź a přećelnosć. Foto: Hanka Wowčerjowa

W Jaworniku blisko Zhorjelca je chór Lipa­ njedawno zhromadnje ze swójbnymi swoje prawidłowne chórowe lěhwo přewjedł.

Pjatk krótko po přijězdźe zahajichmy lěhwo z wječerju a hnydom po tym mějachmy prěnju probu. Mějachmy zwučowansku rumnosć z klawěrom a dalšu z e-pianom k dispoziciji. Tak móžachmy tež dźělene proby přewjesć. Dźeń dachmy ze zhromadnym spěwanjom a mjezsobnymi rozmołwami wuklinčeć.

Sobotu probowachmy hač do popoł­dnja. Po tym podachmy so spěwajo zhromadnje ze swójbnymi na wulět k horje Sedło (Landeskrone) pola Zhorjelca. Pod horu awta wotstajichmy a nóžkowachmy hač na 420 metrow wysoki wjeršk. Tam došedši smy sej w korčmje z hewak rjanym – tón dźeń pak nažel kurjawojtym – wuhladom, dobry tykanc a kofej zesłodźeć dali. Nawróćiwši so do hotela smy po wječeri hišće raz zwučowali: Přizamknychmy pak měrny wječor z wjesołej mysličku a dobrej naladu při škleńčce wina abo piwa.

Veröffentlicht in Serbski powěstnik
Bitte anmelden, um einen Kommentar zu posten

Serbska debata

Neuheiten LND