Młode baćony dóstachu pjeršćenje

Dienstag, 12. Juli 2022
Artikel bewerten
(0 Stimmen)
Tež za dźěći je wosebite dožiwjenje, hdyž Stefan Siegel baćonam pjeršćenje přityknje.  Foto: Hubert Šwejda Tež za dźěći je wosebite dožiwjenje, hdyž Stefan Siegel baćonam pjeršćenje přityknje. Foto: Hubert Šwejda

Z Delnjeje Kiny do Myšec wjedźeše tele dny lětuša čara wopjeršćenjenja baćonow w Budyskim wokrjesu. Ornitologa Stefan Siegel z Rudnych horin je lětsa šesty raz tele dźěło přewzał. Kaž hižo w zašłych lětach je firma Lift Manager zaso darmotnje zběhadło ze šoferom přewostajiła. Puć wjedźeše mjez druhim přez Wjesel, Trupin, Ralbicy a Nuknicu. Prěni króć běchu tež Němske Pazlicy cil wuprawy. Na 17 hnězdach dósta kóžde młodźato dwě rynce přityknjenej, jednu mjeńšu wot ptačernje Hiddensee a druhu chětro wulku wyše kolena. Tuta hodźi so z dalokowidom wotčitać. Tak móže so žiwjenjoběh jednotliweho ptaka sćěhować. Na wotpowědnej internetnej stronje su wozjewjene wšitke stacije, hdźež bu baćon widźany.

Veröffentlicht in Serbski powěstnik
Bitte anmelden, um einen Kommentar zu posten

Serbska debata

Neuheiten LND